Custom Search

Sunday, March 29, 2015

Fazilat-E-Namaz Ka Bayan

(1). Har Namaz Pichli Namaz
Ke Baad Hone Wale Gunah
Mita Deti Hain
(Tanbihul Gafileen)

(2). Namaz Se Gunaah
Dhulte Hain.
(Ibne Maja)

(3). Namazi Ke Liye Jannat
Ke Darwaze Khol Diye Jate
Hain.
(Tabrani)

(4). Namaz Emaan Ki Alamat
Hain.
(Munyatul Musalli)

(5). Namaz Se Rozi Me
Barkat Hoti Hain
(Tanbihul Gafileen)

(6). Namaz Ki Toufiq Milna
Allah Ta’ala Ka Aehsan Hain.
(Mukashftul Quloob)

(7). Namaz Padhkar Wahi
Bethe Rahe To Firishte Dua-E-
Magfirat Karte Hain.
(Abu Dawood)

(8). Namaz Padhne Wale Par
Nekiyo Ki Barish Hoti Rahti
Hain.
(Ehyaul Uloom)

(9). Namaz Behtereen
Ibadat Hain.
(Delmi)

(10). Har Hissa-E-Zameen
Tamanna Karta Hai Ki Kaash!
Mujh Par Koi Namaz Padhe.
(Tabrani)

(11). Namaz Buraiyo Aur
Bimaariyo Se Bachati Hain.
(Tazqiratul Wayezeen)

(12). Namaz Padhne Wale Ke
Gunaah Muaf Ho Jate Hain.
(Mishkat Sharif)

(13). Ek Namaz Dusri Namaz
Tak Ke Gunaaho Ka Kaffara
Hain.
(Tanbihul Gafileen)

(14). Namazi Ke Gunaah Iss
Tarah Jhadte Hain Jis Tarah
Khiza Me Darkht Ke Patte.
(Mishkat)

(15). Namaz Se Farig Hote
Hi Gunaah Muaf Ho Jate Hain.
(Kanzul Ummal)

(16). Namaz Se Sagira
Gunaah Muaf Ho Jate Hain.
(Muslim Sharif)

(17). Namazi Ke Sare
Gunaah Jhad Jate Hain.
(Tanbihul Gafileen)

(18). Namazi Ko Pul-Sirat
Par Sawariya Milengi.
(Nuzhatul Majalis)

(19). Namaz Padhne Se
Darjaat Buland Hote Hain.
(Muslim Sharif)

(20). Namaz Jannat Ki Kunji
Hain.
(Muslim Sharif)

(21). Namaz Yakinan Duniya
Aur Usme Jo Kuch Hain Unn
Sab Se Behtar Hain.
(Tazqiratul Wayezeen)

(22). Sajde Me Banda Allah
Ta’ala Ke Karibtar Hota Hain.
(Muslim Sharif)

(23). Baccha 7 Baras Ka Ho
JayeTo Use Namaz Ka Hukm
Do.
(Muslim Sharif)

(24). Farz Namaaz Ke Baad
Afzal Namaaz-e-Tahhajjud
Hai.
(Ahmed)

Ya Allah Apne Habib Ke Sadke
Hum Musalman Ko Namaj Ki
Daulat Nasib Ata Farma.
Aameen
Awwal Aakhir Durood

Wednesday, March 25, 2015

Nabi ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ. Ki Wiladat Par Afsos Kaun Karta Hai

Imam Qastallani (Rahimullah) farmate hain : “ Chahiye Eeman walo ki tum Milad-e- Mustafa ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ. ko Eid ketaur par manaya karo. Allah ApnaFazl aur Ehsan kare unn logo par jo Rabi ul Awwal ki raato’n ko Eid ke taur parmanate hain, kyunki iss maheene ko Eid ke taur par manane se Unn Dilo’n par aurUnn logo par Ghazab utarta hai Jinke Dilo’n mein Bughz aur Munafikat ki Bimarihai.” (Imam Qastallani, Al Muwahib al Luduniya, Jild No. 1, Safa No. 148)

Shaitan Kaheta Hai Ki Mai Barso Jannat Me Raha, Farishto Ka Sardar Ban Gaya,Magar Jab Ye AADAM (Nabi) Paida Huwa To Mere Liye Badi Musibat Paida Ho Gai,Yaha Tak Ki Mujhe Jannat Se Bhi Nikal Diya Gaya!!! Phir Jab Jab Koi NABI PaidaHota Woh Gumraho Ko Sahi Raah Dikha Kar Jannat Me Le Jata AurTab Tak Ki MeriSari Mehenat Mitti Me Mil Jati. Aur Aakhir Me Jab Aakhiri NABI MUHAMMAD ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ. Paida Huwa Tab To Mai Itna Roya JitnaPahele Jannat Se Nikalne Par RoyaTha, Aur Usne Meri Tamam Mehnat Par Pani PherDiya. (Hafidh Ibn-Kathir in Al-Bidayah wal Nihayah, Volume No. 2, Page No. 166)

Note: AGAR AISI NISHANIYA KISI ME DIKHAI DE TO SAMJHO WOH SHAITAN KI NASIHATLEKAR AAYA HAI 

Nisar Teri Chahal Pahal Par Hazar Eiden Rab Ul Awwal Siwa E Iblees K Jahan Me Sabhi To Kushiya Mana Rahe Hai

Monday, March 23, 2015

Huzoor Sallallaho Alaihi Wasallam Ka Roza-E-Anwar

• Huzoor Akram (Sallallahu Alaihi Wasallam) Ki "QABR-E-Anwar" kisne khodi aur unke kya Naam hai?

>>Madeenah Munawwara Me 2 Shakhs "QABR" khodnewale the.
Ek Hazrat Abu Ubaidah Bin Al Jaraah RadiAllahu Anhu Aur doosre Hazrat Abu Talha Ansari RadiAllahu Anhu,
Ye Sahabi the jinhone Huzoor Akram (Sallallahu Alaihi Wasallam) ki Qabr Mubarak khodi.
(Madrij-Un-Nubuwwah,Jild - 2,Safa No - 750)

• Huzoor Akram (Sallallahu Alaihi Wasallam) ko Qabr Me Kis Jaanib Se Utara Gaya?

>>Huzoor Akram (Sallallahu Alaihi Wasallam) ko Qadam Aqdas ki Jaanib se Qabr Anwar me Dakhil kiya gaya.
(Madarij-Un-Nubuwwah,Jild - 2,Safa No - 751)

• Huzoor Akram ((Sallallahu Alaihi Wasallam) ki Qabr Anwar Me Kaun Kaun Hazrat Utre The?
.
>>Huzoor Akram (Sallallahu Alaihi Wasallam) ki Qabr Anwar me, "Hazrat Ali Murtaz" RadiAllahu Anhu,
"Hazrat Abbas" RadiAllahu Anhu,
"Hazrat Fuzail" RaidiAllahu Anhu,
Aur
"Hazrat Qasam bin Abbas RadiAllahu
Ye 4 Sahabi hai jo Hamare Aaqa (Sallallahu Alaihi Wasallam) ki Qabr Anwar me Dakhil huwe the.
(Madarij-Un- Nubuwwah,Jild - 2, Safa No - 751)

• Qabr Anwar Me Huzoor Akram (Sallallahu Alaihi Wasallam) ke Neeche Kya Bichhaya Gaya Aur Kisne Bichhaya?
.
>>Bahreen ki Surkh laal " MAKHMAL" ki Chadar jo Khaibar ke Roz Huzoor Akram (Sallallahu Alaihi Wasallam) ko Pahunchi thi,
Aur Aap use Ohdhte the use Bichhaya gaya.
Aur Chadar ko Bichanewale Hazrat Saqran RadiAllahu Anhu the,
Unhone kaha :
Mai Nahi Pasand Karta Ke Aap (Sallallahu Alaihi Wasallam) Ke Baad koi use Ohdhe.
(Madij-Un-Nubuwwah,Jild -2,Safa No - 751)

• Huzur Akram Sallallahu Alaihi Wasallam ko jab "QABR-E-Anwar"  Me Utara Gaya To Aap Apni Zuban Mubarak ko Jumbish Farma Rahe The,
To Kis Sahabi Ne Kan Laga Kar Suuna. Aur Aap Kya Farma Rahe The?
.
>>Hazrat Qasam Bin Abbas RadiAllahu Anhu Farmate hain:
Maine Qabr me dekha ke Huzoor Sallallahu Alaihi Wasallam apne Lab mubarak ko Jumbish Farma rahe hain.
Maine apne kaan ko aap ke dahan mubarak ke qareeb kiya.
Maine suna ke aap farma rahe the "YA RAB UMMATI UMMATI".
(Madarijun Nububuwwa Jild 2 Safa No 751)

• Huzoor Akram (Sallallau Alaihi Wasallam) Ki "QABR Anwar"  Ko Kin Cheezon Se Banaya Gaya?

>>Kachchi Eint se banayee gayi, uske Baad "LAHAD" par Mitti Dali gayi,
Surkh Safed Sangreze Jamaay gaye.
(Madarij-Un Nubuwwah,Jild - 2, Safa No - 751)

• Huzoor Akram (Sallallahu Alaihi Wasallam) ki "QABR" Mubarak Zameen Se Kitni Unchi Ki Gayi?

>>Qabr Anwar, Zameen Se Ek Balisht Jitni Unchi Ki Gayi
Ek Riwayat me hai ke 4 Ungul ke Barabar ki Gayi.
(Madarij-Un Nubuwwah,Jild -2,Safa No - 752)

• Huzoor Akram (Sallallau Alaihi Wasallam) ki Qabr Mubarak Par Kitna Paani Chhidhka Gaya,
Aur Kisne Chhidhka?

>>Hazrat Bilal (RadiAllahu Anhu) ne "Qabr" shareef par ek Mashkeeza Paani Chhidh ka aur Sirhaane ki Taraf se Chhidhakna Shuru kiya.
(Madij-Un-Nubuwwah,Jild - 2,Safa No-752)

Tuesday, February 10, 2015

Eid-E-Milaad-Un-Nabi Sallallahu Alaihi Wasallam Manana Jaiz Hai Aur Baa’ise Rahmat Aur Barkat Hai

ALLAH Ta’ala Musalmano Ko Koi Bhi Khaas Ne’amat Ata Farmata hai wo ALLAH ke khaas dino me se hai aur un dino ko yaad karte rehna zaroori hai.

Qur’an :
Aur unhe ALLAH ke dino ko yaad dilao.
[ 14 Surah Ibraheem, Aayat 5 ]

ALLAH ta’ala ne Hazrate Moosa alaihis salaam se farmaya tha ke ‘Bani Isra’eil ko un dino ko yaad karne ke liye kaho jab ALLAH ta’ala ne un ko khas ne’amate ata farmai ya’ni unki haajat par unko Mann wa Salwa (paka pakaaya khaana) ata farmaya aur Peene ke liye paani ka chashma ata farmaya aur us me unke 12 kabeelo ke liye 12 hisse kar diye.

Ummate Muhammadi ke liye Yaume Milaad-un Nabi sallallahu alaihi wasallam, Eid-ul-Fitr, Eid-ul-Adha, Shabe Qadr, Shabe Baarat, Yaume Aashura, Shabe Me’araj ye sab ALLAH ta’ala ke khaas din aur raat hain.

Yaume Milaad-un Nabi sab se khaas din hai kyun ki ALLAH ta’ala ne ye tamaam kaainat apne Habeeb sallallahu alaihi wasallam ke liye banai hai aur ye tamaam muqaddas aur mubarak din aur raat Nabi e kareem sallallahu alaihi wasallam ke sadqe me musalmano ko ata kiye hain.

Hadeese Qudsi :
Laulak lama khalaqtul ardi wal aflak.
ALLAH ta’ala farmata hai :
Aye Mehboob agar tujhe paida karna maqsood na hota to main zameen aur aasmano ko paida na karta.

Hamare nabi sallallahu alaihi wasallam ka martaba itna aa’la aur afzal hai ke ALLAH ta’ala ne sab se pehle Noore Mustafa ko banaya aur puri kaainat ko unke liye hi banaya.

ALLAH ta’ala ki tamaam ne’amato me behtareen ne’amat uske Habeeb sallallahu alaihi wasallam hain.
Aap ke sadqe me ALLAH ta’ala hamari duao ko qubool karta hai aur hame sab ne’amate ata karta hai.
Aap roze mehshar me ummatiyo ki shafa’at karke jahannam ki aag aur azaab se bachayenge.

Qur’an :
Beshak ALLAH ne musalmano par bada ehsaan farmaya ke un me unhi me se (azmat wala) Rasool bheja jo un par us ki aayate padhta aur unhe paak karta hai aur unhe kitaab wa hikmat ki ta’alim deta hai agarche wo log us se pehle khuli gumrahi me the.
(3 Surah Aale Imraan, Aayat 164)

Is liye Huzoor RasoolAllah sallallahu alaihi wasallam ke ehsaano ko yaad karke Yaume Milaad-un-Nabi ke mauqe par khushiya manani chahiye.

Yun to pura saal hame Sarware Kaunain Pyare Aaqa sallallahu alaihi wasallam ke ehsaano ko yaad karna chahiye aur Aap ki wilaadat aur Hayaate tayyabah ka aur aap ke kamaalat aur moazeezat ka zikr karte rehna chahiye.

Magar Yaume Milaad-un-Nabi ke mubarak mauqe par ALLAH ki is azeem ne’amat ka khaas kasrat se zikr karna chahiye.

Qur’an :
Farma dijiye (ye sab kuchh) ALLAH ke fazl aur uski rehmat ke ba’is hai (jo be’asate Mohammad Mustafa sallallahu alaihi wasallam ke zariye tum par hua hai) pas musalmano ko chahiye ke us par khushiya manayen ye us se kahi behtar hai jise wo jama karte hain. (10 Surah Yunus, Aayat 58)

Ahkame shariat ke masa’il 4 chizo ko milakar samajh sakte hain :
(1) Kitabullah (Qur’an shareef)

(2) Hadees wa Sunnate Nabawi (Prophetics & traditions)

(3) Ijma e Ashaba wa Ulema (Consensus of Companions of Prophet , Followers of companions & Muslim scholars)

(4) Qiyas (Analogical Deduction by Muslim scholars)

Qur’an :
Aye Eimaan walo, ALLAH ki ita’at karo aur Rasool ki ita’at karo aur (apno me se) saahibane amr ki aur phir kisi mas’ale par tum baham ikhtelaaf karo to use ALLAH aur uske Rasool (sallallahu alaihi wasallam) ki taraf lauta do, Agar tum ALLAH par aur aakhirat ke din par yaqeen rakhte ho to yehi (tumhare liye) behtar aur anjaam ke lihaaj se bahut achha hai.
(4 Surah an-nisa, Aayat 59)

Ya’ni ALLAH ta’ala farmata hai ki tum me ilm walo ke upar ilm wala hoga jo tumhare liye saahibane amr hoga aur jo tumhe ALLAH aur uske Rasool sallallahu alaihi wasallam ki ita’at ka sahi tareeqa sikhayenge.

Aam halaat me us Imaam ki ita’at karte raho aur jab kisi mas’ale par ikhtelaaf ho jaaye to Qur’an aur Sunnat ki taraf ruju karo.
Saahibane Amr me Ameerul Mo’mineen (Khulfa e Rashideen) aur Aaimma e Islaam saamil hain.

Hadeese Nabawi :
Ulma e ummatika ambiya e Bani isra’eil. Meri ummat ke ulema Bani isra’eil ke nabiyo ke maanind hai.

Aur Huzoor RasoolAllah sallallahu alaihi wasallam ne aur Khulfa e Raashideen aur Aaimma e Islaam ne Milaad-un- Nabi jaaiz maankar apne apne tareeqe se manaya hai.

(1) ALLAH ta’ala ne apne Habeeb sallallahu alaihi wasallam ki zahoor / be’asat par apni qudrat se aap ki fazeelat ko zaahir karke khaas khushi ka izhaar kiya.
Aap Makka mukarrama me Peer ke din Subh saadiq ke waqt mushk ki khushbu mehkaate, paakiza badan, naaf burida, khatna shuda, dono shaano ke darmiyan mohare nubuwwat darakhshaa aur dono haath zamin par rakhe hue sare paak aasman ki taraf uthaae hue tashreef laaye .
Aap ki wilaadat ke waqt jaha par Hazrate Aamena radi-Allahu ta’ala anha thi us ghar me koi chirag na hone ke ba-wajood ghar me itni roshni ho gai ki agar koi chahe to sooi me dhaga piro le.
Zameen se aasman tak noor hi noor chha gaya. Tamaam but sar ke bal aundhe gir pade. Aatash-qada e Faars khud ba-khud gul ho gaya. Hukme ilaahi se Ka’aba ne sajda kiya.

(2) Huzoor nabi e kareem sallallahu alaihi wasallam ne apne Yaume wilaadat par khushi ka izhaar kiya hai aur ALLAH ta’ala ka shukr ada karne ke liye khaas ibaadat ki hai.

Masjide Nabawi me mehfile milaad me khud Huzoor RasoolAllah sallallahu alaihi wa sallam ne apni wilaadat ke fazaail bayaan farmaye.
(Tirmizi shareef, Jild -2, Safa - 201 )

Huzoor Nabi e kareem sallallahu alaihi wa sallam ne khud apna Milaad manaya hai aur Madeena me bakare zibah karke miskeeno ko khilaayen hain.
(Al Haawil-il Fatawi, Jild -1, Hadees - 196 )

Hazrat Abu Katada radi-Allahu ta’ala anhu se riwayat hai ki : Huzoor sallallahu alaihi wa sallam se Peer (Monday) ke din roza rakhne ke baare me puchha gaya to Aap ne farmaya ke ‘Isi din meri Wilaadat hui thi aur isi din mujh par Qur’an majeed naazil huwa.’
(Sahih Muslim, Jild -2, Kitaab us Siyaam, Safa- 367 , Hadees - 2850 )

Hazrat Abu Bakr Siddeeq radi-Allahu ta’ala anhu farmte hain : ‘Jis ne Milaad-un-Nabi ki ta’azeem ki us ne Islaam ko zinda kiya.’
(Naimat-ul-Kubra, Safa -7, 8)

Maula e kaainat Hazrat Ali radi-Allahu ta’ala anhu ALLAH ki baargah me Huzroor Sarware kaainat sallallahu alaihi wasallam ke naam se ek mendha zibah kiya karte the.
(Jaame Tirmizi, Jild -1, Safa - 538 , Sunan Abu Dawood, Jild -2, Safa -29)

Friday, January 2, 2015

Kya Aap Sallallaho Alaihi Wasallam Ne Milad Manaya?

Hazrat Abu Qatada رضی الله عنہ Se Riwayat Hai,
Rasool-E-Karim صلی اللہ علیہ وسلم
Se Peer Ka Roza Rakhne
Ke Bare Me Sawal Kiya Gaya To Aap صلی اللہ علیہ وسلم Ne Farmaya ki,
"Isi Din Meri Wiladat Hui Aur Isi Din Mujh par Quran Nazil Hua"

(Sahih Muslim Jild 2.Hadees No 819 .Safa 1162)
(Nasai Al Sunane Kubra Jild 2 Hadees 146, Safa 2777)

"Huzoor صلی اللہ علیہ وسلم Ke Zamane Me Masjid-E-Nabwi
Me Milaad Huyi Isme Khud
Aaqa-e-Kareem صلی اللہ علیہ وسلم
ne Apni Wiladat Ke Fazail Bayan kiye."
(Tirmizi Sharif, Jild 2 Safa 201)

"Khud Nabi-e-Kareem صلی اللہ علیہ وسلم Ne Apne Milaad Par ALLAH عزوجل Ka Shukra Bajaa Lane Ki talkin Farmayi Aur Targib Di"

Hadees taweel (badi) hai
Poori Tafseel Neeche diye gayi hadeeson ki kitabon main check ki jaa sakti hai
(Muslim Sharif, Jild - 2, Safa - 819)
(Nisaai Sharif, Jild - 2, Safa - 147)
(Baihaqi Sharif, Jild - 4, Safa - 286)

Saturday, November 1, 2014

Muharram Ke Roze Ki Fazilate Aur Aashure Ka Roza

Hazrate Abdullah Bin Abbas (Razi’Allahu Anhu) Se Riwayat Hai Ki Jab Rasool’Allah (Sallallahu Alaihi Wasallam) Madine Me Tashreef Laye To Yahudiyon Ko Dekha Ki Ashure Ke Din Ka Roza Rakhte Hai,
Logo Ne Unn Se Pucha Ki Kyon Roza Rakte Hai?
To Unhoney Kaha Ki
‘Ye Wo Din Hai Jab Allah Ta’ala Ne Hazrate Musaa (Alaihissalam)
Aur Banee Israeel Ko Firoun Par Galba (Victory) Diya Isliye Aaj Hum Rozedar Hain,
Iski Taazaim Ke Liye’!
To Rasool’Allah (Sallallahu Alaihi Wasallam) Ne Farmaya: “Hum Tum Se Jyada Dost Hain Aur Kareeb Hain Musaa (Alaihissalam) Ke, Phir Hukm Diya Aap
(Sallallahu Alaihi Wasallam) Ne Iss (10 Muharram) Roze Ka.(Sahih-Muslim, Vol-3, Book-6 (Roze Ka Masayel), Hadees-2656)

Hazrate Abu Hurairah
(Razi’Allahu Anhu) Se Riwayat Hai Ki,
Ek Sahib Rasool’Allah (Sallallahu Alaihai
Wasallam) Ki Khidmat Me Hazir Hokar Arz Karney Lagey Ki,
“Ramzan Ke Baad Sabse Ziyada Fazilat Kaun Se Rozo Ki Hai?
To Aap (Sallallahu Alaihi Wasallam) Ne Farmaya
“Allah Ka Mahina Jise Tum Muharram Kahte Ho”.
(Sunan Ibn Majah, Vol-1, Hadees 1742 Sahih)

Hazrate Abu Hurairah
(Razi’Allahu Anhu) Se Riwayat Hai Ki,
Rasool’Allah (Sallallahu Alaihay Wasallam) Ne Farmaya
“Sab Rozo Me Afzal Ramzan Ke Baad Muharram Ke Roze Hain, Jo Allah Ka Mahina Hai Aur Baad Namaz-E-Farz Ke Tahajjud Ki Namaz Hai”.
(Sahih Muslim , Vol-3, Hadees 2755)

Social Media Add This