Halloween party ideas 2015

Hazrat Abdurrahman Bin Aauf radiallaho anhu ka bayan he ki muzse Nabi-E-Kareem Sallalaho Alayhi Wasallam ne irshad farmaya
"Walima karo chahe 1 hi Bakari Ho"
(Bukhari sharif, Jild 3, Safa 85)

Hazrat Safiya Binte Shaiba Radiallahu Anha farmati he ki
"Nabi Sallalaho Alayhi Wasallam ne Apni baz Ajwaje Muthrat (Biwiya) ka walima 2 Ser Jav ke sath kiya tha"
(Bukhari sharif,Jild 3, Safa 87)

Hazrat Abdullah Bin Umar Radiallahu anhu se Riwayat he ki Rasoolallah Sallalaho Alayhi Wasallam ne irshad farmaya
"Jab tum me se kisi ko walima khane ke liye bulaya jaye to wo Hazir ho jaye"
(Bukhari sharif, Jild 3, Safa 87)

Hazrat Abuhuraira Radiallaho anhu se riwayat he ke Huzoor Akram Sallalaho Alayhi Wasallam ne irshad farmaya
"Jo dawat Qubool na kare usne Allah ta'ala wa Rasool ki Nafarmani ki"
(Bukhari sharif,Jild 3,Safa 88,Hadees no 163,Bab no 102)

Sarkare Madina Sallalaho Alayhi Wasallam ne irshad farmaya
"Dawat Me Jao Jab Ke Bulaye Jao"
Aur Farmaya
"Jo bagair bulaye dawat me gaya wo chor ho kar ghusa aur gaaratgiri karke lutere ki soorat me bahar nikala"
(Abu dawood, Jild 3, Bab no 127, Hadees no 342, Safa 130)

Hazrat Abuhuraira Radiallaho anhu se Riwayat he ke Rasool-E-Khuda Sallalaho Alayhi Wasallam ne irshad farmaya
"Subse bura walima ka wo khana he jisme Amiro ko bulaya jaye Aur Garibo ko nazar andaz kar diya Jaye"
(Bukhari sharif,Jild 3,Safa 88)



Post a Comment

  1. Janab kisi wajah walima se pehle apni biwi ke sath humbistari na ho paye to walima mana jayega ya nahi?
    Logon ka kehna hai humbistari ke baad hi walima mana jata hai

    ReplyDelete
    Replies
    1. Walimah ke liye hambistari shart nahi. Ek sath khilwat ho uske baAd doosrey din walimah kar sakte hen.
      Ye Jawab Maulanasahab Ne Diya Hai.

      Delete
    2. Ek sath khilwat ho?
      Maaf kijiyega matlab samajh nahi aaya..

      Delete
    3. Khilwat Matlab Miya Biwi Ka Tanhai Me Ek Sath Hona.
      Matlab Tisra Koi Na Ho.
      Yani Unka Ek Sath Sona Kafi Hai Hambistari Ki Shart Nahi Hai.
      Maine Daleel Ke Bare Me Pucha Par Aise Koi Daleel Nahi Hai Ke Hambistari Ke Bagair Waleema Nahi Hota.
      JazakALLAHU Khair
      Dua Me Yaad Rakhiye

      Delete
  2. Agar Invitation humare Cousin k ghar aaye aur hum bhi unke saath uss Daawat me chale jaye toh kya hukm h????

    ReplyDelete
    Replies
    1. Agar Aapko Bhi Aane Ke Liye Un Logo Ne Kaha Ho To Thik Hai. Yani Aap Apne Cousins Ko Bhi Sath Leke Aana Aisa Kaha Ho To Jaiz Hai. Aur Aisa Na Kaha Ho To Na Jana Behtar Hai.
      JazakALLAHU Khair Aapke Comment Ke Liye.
      Visit Karte Rahe. Play Store Se Hamare Nabi App Jaroor Download Kijiyega.
      Talibe Dua.

      Delete

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

[random][fbig2][#8e44ad]
All Rights Are Reserved © 2017. Powered by Blogger.