Suhag Rat Ke Aadab: | Hamare Nabi: Authentic Hadith/Hadees From Bukhari Muslim Tirmidhi
HumareNabi
Loading...

Suhag Rat Ke Aadab:

Suhag Rat Ke Aadab:
4/ 5 stars - "Suhag Rat Ke Aadab:" Jub dulha,dulhan kamare me jaye aur tanhai ho to behtar ye he ki, subse pehle dulha, dulhan wuzoo karle aur fir 2 rakat nafil namaz Shukran...
Jub dulha,dulhan kamare me jaye aur tanhai ho to behtar ye he ki, subse pehle dulha, dulhan wuzoo karle aur fir 2 rakat nafil namaz Shukrana (Ba Jamat) padhe. Dulhan agar Haiz (Mahvari) ki halat me ho to namaz na padhe.
Dulha Imaamat kare aur Dulhan uske piche namaz padhe.

Namaz ki niyat:
Niyat ki maine 2 Rakat Namaz nafil Shukrane ki waste Allah Ta'ala ke rukh mera Kaaba sharif ke taraf, Allaho Akbar.

fir humesha jaise namaz padhte he waise hi namaz padhe aur is tarah dua kare
"Aye ALLAH tera shukra aur Ehsan he ki tune hume ye din dikhaya aur hume is khushi wa ne'amat se nawaza aur hume apne Habeeb Sallalaho Alayhi Wasallam ki sunnat par amal karne ki taufiq ata farmayi
Ae Allah humari is khushi ko humesha isi tarah kayam rakh, hume mel milap pyar muhabbat ke sathe zindagi gujarne ki taufiq ata farma.
Ae Rabbe kadir hume nek farmabardar aulad ata farma.
Aameen
(Gunyatuttalebin Jild: 5, Safa: 115)

Hazrat Abdullah ibne masud Radiallahu ta'ala anho farmate he:
"Ek shaks ne bayan kiya ki maine ek jawan ladki se nikah kar liya he aur muze dar he ki wo muze pasand nahi karegi.
Hazrat Abdullah bin Masud ne farmaya:
Muhabbat Allah ki taraf se hoti he aur nafrat shaitan ke taraf se.
jub tum biwi ke pas jao to subse pehle use kaho ki woh tumhare piche 2 rakat namaz padhe
(Gunyatuttalebin Jild: 5, Safa: 115)

Namaz aur fir uske bad dua padh lene ke bad dulha,dulhan palang par sukun se baith jaye fir uske bad dulha apni dulhan ki peshani ke thode bal apne sidhe hath me narmi ke sath muhabbat bhare andaz me pakade aur ye Dua padhe:

Hazrat Amra bin Aas Radiallahu Anho se riwayat he ke Sarkare Madina Sallalaho Alayhi Wasallam ne irshad farmaya:
"Jab koi shaks nikah kare aur pehli rat (Suhag rat) ko apni dulhan ke pas jaye to narmi ke sath uski peshani ke thode se bal apne sidhe hath me le kar yah dua padhe:

"Allahumma inni as aluka min khaire-h-wa-khaire-m jabal-t-h-alayhe wa auzoo be-ka-min sharre-h-wa sharre-m-jabal-t-h-Alaih"
Tarjuma:
Aye Allah mai tuzse iski (Biwi ki) bhalai aur khairo barkat mangta hu aur uski fitari aadato ki bhalai, aur teri panah chahta hu isko burai aur fitari aadato ki burai se.
(Abu Dawood Jild: 2, Safa: 150, Hasne hasin Safa: 164)

Ek Badi Galatfehmi:
Kuch logo ka khayal he ki jub Aurat se pehli bar sohbat ki jaye to uski sharmgah se khoon kharij hona jaruri he
Ye khoon ka aana uske ba ajmat pak daman hone ka suboot samza jata he
Agar khoon nahi aaya to aurat badchalan aawara samzi jati he aur aurat ki sharafat aur ba ajmat hone me shak kiya jata he. Aaiye is masle ke bare me hum jante he

Kuwari ladkiyo ki sharmgah me thoda andar ek patali zilli hoti he.
Jise Parda-E-Ajmat Ya Parda-E-Bakarat (Hymen) kehte he.
Is zilli me chota sa surakh hota he jiske jariye ladaki ke balig hone par Haiz (Mahwari) ka khoon apne waqt par khariz hota rehta he.
Shadi ke bad jab mard pehli bar sohbat karta he to mard ke Uzoo-E-Tanasul ke uske takarane ki wajahse wo zilli fat jati he.
Is mauke par aurat ko thodi taklif hoti he aur thodasa khoon kharij hota he.
Fir yah zilli humesha ke liye khatam ho jati he.
lekin ye zilli patali aur najuk hoti he to kai martaba kisi ladaki ko ye kisi mamuli chot ya kisi hadse ki wajahse ya kabhi khud ba khud fat jati he. Lihaza agar aurat se sohbat ke dauran khoon na nikale to use aawara samazna munasib na hoga jub tak ki mukammal sharai suboot na ho

"Jiska Parda-E-Ajmat kudne,haiz aane ya jakhm ya umar jyada hone ki wajahse fat jaye wo aurat hakikat me Bakirah (Kuwari, Pak daman) hai.
(Tanwirul Absar, Fatwa-E-Razviya Jild: 12, Safa: 36)



Reactions: 
Nikah 3476007938887913424

Post a Comment Default Comments

  1. plz tell me that
    dulha dulhan ko namaz ek sath padni chahiye ya ange peeche khade hokar

    ReplyDelete
    Replies
    1. Agey pichey khade reh kar namaz padhni chaiye..kyunki Islam mein mard or aurat ko sath mein khade reh kar namaz padhne ki ijazat nahi hai..!!

      Delete
    2. Assalamu Alaikum Hazrat,
      Dulha imaamat kare aur Dulhan uske piche Namaz Padhe

      Delete
    3. Dulha Imaamat kare aur Dulhan uske piche namaz padhe.

      Delete
  2. thanks for this topic excellent

    ReplyDelete
  3. agar ladka ladki namaz or baki dua na padhe ya padhna bhul jaye. to is soorat mai kya karna chahiye.kya baad mai dua padhne ki koi ijazat ya daleel hai. plz reply

    ReplyDelete
  4. Period k baad konsi din milne ......aulaad rukegi.....plzzz tel me

    ReplyDelete
  5. 3 din baad...7 din hone tak karein inshallah thehar jayegi

    ReplyDelete
  6. Assalamu Alaikum Wa Rahmatullahi Wa Barkatuhu

    Hamal Na Thehre iske liye ye tarika hai:

    Aurat Ko Haiz (Periods) shuru hone ke 1 hafta pehle aur Aurat Jis din pak ho jaye us dinse 1 hafte tak Sohbat karne se hamal nahi theherta.
    Kyunki upar bataye dino me Aurat ke jism me Bachcha paida karnewale Ande (OVA) nahi hote. Isliye in dino bachche hone ke chance kam honge.

    ReplyDelete
  7. Ek masla batane ka karam karein agar mard namaz padhna nahi aata hai magar ladki ko namaz padhna aata hai to is halat mein imamat kaun karega plz reply

    ReplyDelete
    Replies
    1. Assalamu Alaikum Bhai
      Upar Tariqa Diya Hua Hai Us Hisabse Mard Hi Imamat Kare.
      Agar mard ko namaz nahi aati to sikh le.
      Aurat ki imamat me mard ki namaz nahi hogi.
      Fir bhi aap Maulana ya Aalim se mashwara karle.
      JazakALLAHU Khair

      Delete
  8. Assalam alaikum
    agar ladka ladki namaz padna or dua mangna bhul gaye to kya karna chahiye

    ReplyDelete
    Replies
    1. Walekum Assalam
      Hambistri se pehle Dua nahi padhi ya shukrane ki namaz nahi padhi to koi Hukm nahi...
      (Answer By: Maulana Masood Noori Sahab Kibla)

      Delete
  9. as salam alaykum ....
    mera sawal ye he ki kiya ladka aur ladki ke kabool kar lene se nikah ho jayega
    binah kisi gawah ke ?

    ReplyDelete
    Replies
    1. Walekum Assalam
      Bina Gawah Ke Nikah Nahi Hota.
      Der Se Reply Ke Liye Muafi Chahta Hu

      Delete
  10. assalam o aliakum
    muje kisi ne pucha tha, kya shaadi ki pehli raat biwi ke saath sohbat zaroori hai

    ReplyDelete
    Replies
    1. Walekum Assalam Bhai
      Walima ke liye sohbat shart nahi hai
      miya biwi ka ek sath tanhai me raat guzarna kafi hai.
      logo me ye galatfehmi hai ke sohbat shart hai uske bina walima nahi hota.

      Delete
  11. Assalamualaykum aapne bataya jese ki khun na nikle to esa mat samje ki wo virgin (kuwari) nahi he pr to ye kese pehchan sakte he ki ye virgin he ki nahi khun se pata nahi chalta to kese pata chalega pls ye acche se bataye

    ReplyDelete
    Replies
    1. Har Kuwari Lafki Ko Parda-E-Azmat(Hymen) Hota Hai. Kai Bar Khel Kud Me Ya Cycle Chalane Se Wo Fat Jata Hai.
      Aisi Ladki Jiska Parda-E-Azmat Fata Hua Ho Usse Kasam Khane Lagaye Ki Wo Paak Daman Hai.
      Aur Uske Paak Daman Hone Ki Daleel Kasam Khana Hai.

      Delete
  12. Assalam Alaikum
    agar bivi period se hogi... to shohar ko kaise pata chalega...kiya bivi khud bataygi... aur kiya use khud bhi pata hoga... agar period se hogi to mubashirat kab kiya jay...
    jazak Allah

    ReplyDelete
    Replies
    1. Walekum Assalam bhai
      Har Aurat Ko Har Mahine Ki koi ek tarikh se period shuru hota hai.
      Aap apne biwi se hambistar hone se pehle puch liya kare.
      Aur aurat ne bhi ye baat shohar se chupana jaiz nahi kyunki period me sohbat karna haram hai.
      Jab Aurat ko khoon aana band ho jaye aur wo ghusl karke paak ho jaye uske baad hi sohbat karna jaiz hai.
      Aur agar nifas se hai yani bachcha paida hone ke baad 40 din nifas ka period hota hai.
      Nifas khatam ho kar ghusl karne par sohbat jaiz hai
      Jazakallahu khair

      Delete
    2. Shukriya....

      Delete
  13. assalam alaikum
    Jab Miya Bivi paheli Martaba Hambistari karte Hain to jo bivi ke sharm gha se khoon khariz hota hai.. uski mikdar kitni hoti hai... aur kiya usse bister ganda ho sakta hai jiski wajha se usper daag numaya hojate hain.. aur dusre din sabhi ghar walon ki nazar us per padti hai,.. agar aisa hai to is cheez se bachne ke liye kita taqbeer ki jani chahiye..
    pls. jald reply kariye ga.
    Jazakallah khair.

    ReplyDelete
    Replies
    1. Walelum Assalam Bhai.
      Der Se Reply Ke Liye Muafi Chahta Hu.
      Jab Kuwari Aurat Se 1st Time Sohbat Ki Jaye To Uski Sharmgah Se Thodasa Khoon Khaariz Hota Hai Uske Parda-E-Azmat (Seal) Ke Fat Jaane Ke Wajahse.
      Jab Aapko Aisa Lafta Hai To Kapde Se Use Poch Liya Jaye To Behtar Hai.

      Delete
  14. Assalam alaikum bhai, mera sawal ye h ki suhagraat ko jo nafil namaz shukrane ki padhni h jisme shauhar imamat kre to kya shauhar jo surah padhega wo buland awaz me padhega joki peeche biwi k kaano tak wo sunai dega, jaise ki Fazir ki namaz me imam padhte h aur jamaat usko sunti h, ya fir kewal kiraat krega...???

    Jawab ka muntazir.

    ReplyDelete
    Replies
    1. Walekum Assalam Wa Rehmatullahi Wa Barkatuhu.
      Answer By Maulana Hazrat Masood Noori Razvi Sahab Qibla:

      Woh nafl namaz hai. Aur Qaedah yeh hai ke raat ke nawafil me awaz se qira'at ki jaye jab JamaAt se padhey to. Awaz bahut buland hona zaroori nahi bas itni ke wahan Koi hai to sun ley."

      JazakALLAHU Khair Bhai Humara Blog Padhne Ke Liye.
      Apne Dosto, Rishtedaro Ko Bhi Humara Blog Bataiye.
      Insha ALLAH Unhe Bhi Ilm Hasil Hoga.

      Delete
  15. shadi se kitne din pahle rishta lagna chaye rply must

    ReplyDelete
    Replies
    1. Assalamu Alaikum
      Aap apna sawal sahi tarah se likhe.
      Insha ALLAH Jawab Diya Jayega.
      Talib-E-Dua

      Delete
    2. Assalamu Alaikum,
      Kisine Comment Kiya Tha Ki Agar Suhag Rat Me Namaze Shukrana, Dua Padhna Bhool Gaye Hai To Is Soorat Me Kya Huqm Hai?
      Is Soorat Me Koi Gunah Nahi Hai. Aap Aainda Sohbat Karte Waqt Sohbat Ki Dua Padhna Na Bhoole. Is Dua Ke Padhne Se Nek Swaleh Aulad Paida Hogi. Aur ALLAH Rabbul Aalameen Ka Shukr Ada Karne Ke Liye Koi Waqt Muqarrar Nahi Balke Har Waqt Hame ALLAH Ta'ala Ka Shukr Ada Karna Chahiye.

      Delete
  16. Replies
    1. Aur Jankari Ke Liye Hamare Site Ke Nikah Page Par Visit Kare. Nikah Page Ka Link Upar Ke Post Me Last Me Maujood Hai.

      Dua Ki Darkhwast...

      Delete
  17. ASSALAMU ALAIKUM
    WA RAHMATULLAHI
    WA BARAKAATUHU
    JAZAAK ALLAHU KHAIRAH
    NAZAR AHEMAD BHAI
    ALLAH AAP KO JAZA-E-KHAIR ATA FARMAYE..... AMEEN

    ReplyDelete
    Replies
    1. Walekum Assalam Wa Rehmatullahi Wa Barkatuhu
      Aameen Summa Aameen
      Keep visiting & sharing...
      Talib-E-Dua.

      Delete
  18. Assalam alaikum w.w.
    Mai janna chahunga ki kya mai apni ahliya aur bacho ke sath ba jamat panchgana namaz padh sakta hu? Aur aise me taqbeer kaon kahega.

    ReplyDelete
    Replies
    1. Walekum Assalam Wa Rehmatullahi Wa Barkatuhu
      Koi Bhi Taqbeer Keh Sakta Hai. Yani Aqamat Kar Sakta Hai Jo Janta Ho. Warna Imaam Bhi Keh Sakta Hai. Biwi Shohar Ke Piche Khadi Ho Kar Iqteda Kare Jaiz Hai. Yani Aap Ba Jama'at Apne Biwi Bachcho Ke Sath Namaz Ada Kar Sakte Hai.
      (Maulana Masood Noori Razvi Sahab Qibla)

      Delete
  19. Assalamalaykum.
    Nikah ke din dulhan ka joda dulhan ko kon pahnata hai kya wo khud nahi pahen skti aur inner wear bhi koi aur yani ghar ki aurten pahnati hai kya wo ye sab khud akele me nahi pahen sakti ?

    ReplyDelete
    Replies
    1. Walekum Assalam Wa Rehmatullahi Wa Barkatuhu,

      Nikah Ke Roz Dulha Dulhan Ko Apne Kapde Khud Pehenna Chahiye.
      (Maulana Masood Noori Razvi Sahab Qibla)

      Magar Koi Khushi Se Pehnaye To Koi Harz Nahi.

      Late Reply Ke Liye Mazahrat Chahta Hu. Apne Dua Ke Chand Alfaz Is Nachiz Ke Naam Karna Na Bhoole.
      Keep Visiting & Sharing...

      Delete
  20. Suhabat karnay kay bad ham subha bina nahaye namaz padhsaktay hain ya nahi

    ReplyDelete
    Replies
    1. Assalamu Alaikum Wa Rehmatullahi Wa Barkatuhu Akram Bhai

      Jab Aap Apni Biwi Se Sohbat Karte Hai To Aap Dono Par Ghusl Farz Hai. Bina Ghusl Kiye Namaz Padhna Mana Hai. Jitna Jalfi Ho Sake Utna Jaldi Ghusl Karle. Jis Ghar Me (Junoob Yani Jispe Ghusl Farz Ho Rehta Ho) Us Ghar Farishte Nahi Jate. Raatme Sohbat Ke Baad Sote Waqt Ba-Wuzu Soye. Kisi Islamic Kitab Ko Na Chue. Na Hi Be Ghusl Masjid Me Jaye.

      Delete
  21. Kabi kisi ladki ko dar h ke wo zina kar chuki h to ky uski shadi ke baad use khoon aayega kabi ni aaya to uske hussband ko pata chal jayega ki wo kuwari ni h or kitne din tk humbistri na kare to saramga phele jesi hogi plzzzz ans me first

    ReplyDelete
    Replies
    1. Walekum Assalam Wa Rehmatullahi Wa Barkatuhu,

      Awwal To Jo Ladki Bina Nikah Ke Kisi Gair Mard Ke Sath Hambistari Karti Hai Usne Zina Kiya. Zina Ek Gunahe Kabira Hai. Jiska Sakht Azab Hai. Aur Aakhirat Barbad Karnewala Amal Hai. Jab Ye Gunah Ko Anzam De Hi Chuki Hai To Usi Ladke Se Nikah Ke Liye Koshish Ki Jaye. Dusre Pak Ladko Ki Zindagi Se Na Khela Jaye. Jab Wo Ladka Jisse Zina Kiya Nikah Ke Liye Mana Karega Tab Hi Us Ladki Ko Apni Galati Ka Ehsas Hoga.

      Kunwari Ladki Jab 1st Time Sohbat Karti Hai To Uska Hymen Yani Parda-E-Azmat Fat Jata Hai Aur Khoon Kharij Hota Hai. Ye Parda Ek Bar Phat Gaya Ki Dobara Nahi Banta Aur Nahi Khoon Aata Hai. Isliye Ise Aurat Ke Pakdaman Hone Ka Sabab Mana Jata Hai.

      Aisi Zaniya Aurat Jisne Ye Gunah Ko Anzam Diya Ho Astagfar Aur Tauba Karti Rahe. Bargahe Ilahi Me Gidgida Kar Muafi Mange To ALLAH Rabbul Aalameen Bada Meherban Hai. ALLAH Sabko Nek Taufiq De.
      Aameen.
      Awwal Aakhir Durood.

      Delete
    2. Agar Ladki Ka Nikah Ho Chuka Hai To Wo Ye Baat Apne Shauhar Se Chupaye Apni Rishte Ko Bachane Ke Liye. Magar Yaad Rahe Shohar Se Aur Koi Baat Chupana Jaiz Nahi Hai. Yaha Majboori Ke Tahat Wo Is Baat Ko Chupale Isi Me Unki Bhalai Hai.
      Dua Me Yaad Rakhe.
      Visit Karte Rahe.

      Delete
  22. Kabi kisi ladki ko dar h ke wo zina kar chuki h to ky uski shadi ke baad use khoon aayega kabi ni aaya to uske hussband ko pata chal jayega ki wo kuwari ni h or kitne din tk humbistri na kare to saramga phele jesi hogi plzzzz ans me first

    ReplyDelete
    Replies
    1. Zina In The Light Of Quran Wa Hadees:

      http://www.hamarenabi.in/2016/11/zina-is-way-to-hell-according-to-islam.html

      Delete
  23. Assalamo alaikum nikah ki first night me agr ladki haiz ki halat me h to kya sohbat krna jaiz h ya nahi or kitne din k baad kr skte h sohbat q k maine suna h sadi first night sohbat zaruri hota h pls mjhe details me bataye

    ReplyDelete
    Replies
    1. Walekum Assalam Wa Rehmatullahi Wa Barkatuhu Behen,

      ALLAH Rabbul Aalameen Qur'an-E-Kareem Me Irshad Farmata Hai,
      "To Aurato Se Alag Raho Haiz Ke Dino, Aur Unse Nazdiki Na Karo Jab Tak Pak Na Hole. Phir Jab Pak Ho Jaye To Unke Pas Jao."
      (Surah Bakrah, Aayat No 222, Para 2, Kanzul Imaan)

      Haiz Ke Haalat Me Sohbat Karna Sakht Haraam Hai. Biwi Par Farz Hai Ke Wo Apne Shohat Se Haiz Na Chupaye. Haiz-Nifaas Aur Nikah Se Talluq Tamam Masle Padhiye Hamare Nikah Page Par.
      Dua Ki Guzarish.

      Delete
    2. Assalamu Alaikum Wa Rehmatullahi Wa Barkatuhu,

      Aapne Ek Aur Comment Me Pucha Ki Aapne Suna Hai Ke Suhag Rat Sohbat Karna Jaroori Hai. Aisa Hargiz Nahi Hai. Shohar Biwi Ek Kamre Me Tanhai Me Ho Kaafi Hai. Usi Rat Sohbat Karna Jaroori Hai Ye Logo Ki Manghadat Soch Hai. Aur Agar Ladki Us Raat Haiz Se Ho To Bilkul Sohbat Na Kare Jab Tak Wo Paak Na Ho Jaye.
      Talibe Dua.

      Delete

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

emo-but-icon

Home item

Our Android App

Get it on Google Play

Follow by Email

Popular Posts