Halloween party ideas 2015

Hazrate Abu Huraira Radiallahu ta'ala anhu ne kaha ki Rasool-E-Kareem Swallalaho Alayhi Wasallam ne farmaya ki Jub Ramzan ka mahina shuru hota he to Aasman ke darwaze khol diye jate he aur ek riwayat me he ke Jannat ke darwaze khol diye jate he aur Shaitan janjiro me jakad diye jate he. Aur ek riwayat me he ki Rehmat ke darwaze khol diye jate he.
>Bukhari sharif,Muslim Sharif,Anwarul Hadees

Hazrate Abu Huraira Radiallahu ta'ala anhu ne kaha ki Rasoolallah Swallalaho Alayhi Wasallam ne farmaya ki Jub Ramzan ke mahine ki pehli rat hoti he to Shaitan aur Sarkash Jinn kaid kar liye jate he aur Jahannam ke darwaze band kar diye jate he. Fir Ramzan bhar un me se koi darwaza khola nahi jata aur Jannat ke darwaze khol diye jate he to un me se koi darwaza band nahi kiya jata aur pukarnewala pukarta he ke,
"Aye Bhalai ke chahnewale mutwajjah ho aur Aye Burai ka irada rakhnewale! Burai na kar."
Allah bohut se logon ko Jahannam se Azaad karta he aur har rat aisa hota he.
>Tirmizi Sharif, Ibne Maja Sharif, Anwarul Hadees

Hazrate Abu Huraira Radiallahu anhu ne kaha ki Pyare Aaqa Swallalaho Alayhi Wasallam ne farmaya ki
Jisko roze ki halat me khud ba khud kai(ulti) aa jaye us par kaza wazib nahi aur jo apne irade se kai kare us par kaza wazib he.
>Tirmizi Sharif, Abu Dawood Sharif, Anware Shariat

Post a Comment

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

[random][fbig2][#8e44ad]
All Rights Are Reserved © 2017. Powered by Blogger.