Halloween party ideas 2015

Hazrate Mehmond ibne labeed radiallahu anhu se riwayat he ke Nabi-E-Kareem Swallalahu Alayhi Wasallam ne irshad farmaya:
"Tumhare bare me jis chiz se me darta hu wah Shirk-E-Asgar he"
Sahaba ne pucha:
"Ya Rasoolallah ! Yah Shirk-E-Asgar kya chiz he?"
Aapne farmaya:
Riya yani Dikhawe ke liye kam karna.
>Ahmed

Hazrate Shaddad ibne Aus radiallahu anhu ne kaha ke maine Huzoore Akram Swallalaho Alayhi Wasallam ko farmate hue suna ki:
"Jis aadmi ne dikhawe ke liye Namaz padhi usne Shirk kiya aur Jis aadmi ne dikhawe ke liye Roza rakha to usne shirk kiya aur Jisne dikhawe ke liye Sadqa kiya usne Shirk kiya."
>Mishkat Sharif,Ahmed

Hazrate Abu Huraira Radiallahu Anhu ne kaha ki Rasoolallah Swallalaho Alayhi Wasallam ne farmaya ki:
"Banda ne jub logo ke samne Namaz padhi to achchai ke sath padhi aur jub logo ke samne nahi padhi to bhi achchai ke sath padhi.
To Khuda Ta'ala Farmata he:
Ye mera banda sachcha he yani (Riyakari nahi karta)
>Ibne Maja

Hazrate Shaikh Abdul Muhaddis Dehelvi Rehmatullah Alayhi likhte he ki
Jo kam dikhawe ke liye kare Shirk he.
Khulasa yah ki Shirk 2 tarah ke hote he. Jali aur Khafi.
Bootparasti karna khullam khulla shirk he yani Shirke Jali he.
Aur Riyakari jo ki Allah ke ilawa dusre ke liye amal karta he. Wah bhi chupe taur par Bootparasti karta he yani ye Shirke Khafi he.
Jaisa ki kaha gaya he ki har wah chiz jo tuze Khuda Ta'la se roke wah tera boot he.
>Ashishtullma'aat Jild 4 Safa 250

Hazrate Abdullah ibne Amr Radiallahu Ta'ala Anhu se riwayat he ki unhone Rasoole kareem alayhissalatu wassalam ki farmate hue suna ki:
Jo aadmi logo me apne amal ki charcha karega to ALLAH TA'ALA uski Riyakari ko logo me mashhur kar dega aur usko beizzat karega.
>Baihaqqi

Post a Comment

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

[random][fbig2][#8e44ad]
All Rights Are Reserved © 2017. Powered by Blogger.