Eid-E-Miladun Nabi

Huzoor Sallalaho Alayhi Wasallam Jaisa Koi Nahi:

Aye logo ye bat apne jahan me dal lo ki Huzoor Sallalaho Alayhi Wasallam Jaisa is Jahan me na koi tha na he na hoga.
Jo shaks unhe Maz’allah Astagfirullah Apne jaisa “Bashar” mane wo shaks bad mazhab he, Gustakhe Rasool he aur beshak uske liye dardnak Azaab he Aur Yad rakho jisne Pyare Aaqa Alayhissalam ke Bal Mubarak ki bhi tauhin ki us par Jannat Haram he.

“Jisne mere Baal ki bhi beadabi ki us par Jannat Haraam he”
(Ibne Asakir)

Jhoot bolne se chehra kala padta he.
Jab Jhoot se chehra kala pad jata he fir Adawate Rasool to Bohot buri balaa he.
(Bukhari)

Hazrate Abu huraira Radiallahu anhu se marwi he ke unhone farmaya ki Huzoor Sallalaho Alayhi Wasallam ne Rat aur Din lagatar Roza rakhne se mana farmaya to ek sahabi ne Huzoor se kaha Ya Rasoolallah! aap to din rat lagatar roza rakhte he.
Huzoor ne farmaya:
“Mere tarah tumme kon he?
Beshak me is hal me rat gujarta hu ki mera parwardigar muze khilata pilata he.”
(Bukhari Jild 1, Safa 263,Muslim Safa 352,Mishkat Safa 175)

Hazrat ibne umar radiallahu anhu se riwayat he ki Huzoor Sallalaho Alayhi Wasallam ne Mahe Ramzan me Rat din lagatar roza rakha to logo ne bhi Rat-Din lagatar roza rakha to Huzoor ne logo ko aisa karne se mana farmaya.
kaha gaya Huzoor to rat-din lagatar roza rakhte he.
Sarkar ne farmaya:
“Me tumhari tarah nahi hu.
Me Khilaya aur pilaya jata hu.”
(Muslim Jild 1 Safa 351)

Hazrat Abu Huraira radiallahu anhu ne kaha ki Nabi-E-Kareem Sallalaho Alayhi Wasallam ne Sahaba se irshad Farmaya:
Tum log rat-din roza mat rakho.
Sahaba ne kaha:
Huzoor to rat-din roza rakhte he.
Sarkar ne farmaya:
Me tumhari tarah hargiz nahi hu. Beshak me is hal me rat gujarta hu ki mera Rab muze khilata aur pilata he.
(Bukhari Jild 2,Safa 1084)

Related Articles

Leave a Reply

Your email address will not be published. Required fields are marked *

Back to top button
Close

Adblock Detected

Please consider supporting us by disabling your ad blocker!