Wednesday, March 26, 2014

Ikhtiyar-E-Nabi Sallalaho Alaihi Wasallam

Ikhtiyar-E-Nabi Sallalaho Alaihi Wasallam

Hadees :

Hazrate Anas Radiyallahu Anhu Se Riwayat Hai
Unhone Farmaya Ki Maccawalo Ne Rasoolullah Sallallaho Alayhi Wasallam Se Kaha Ki
Aap Koi Muajaza Dikhaye
To Huzoor Sallallahu Alayhi Wasallam Ne Chand Ke 2 Tukde Farmakar Unhe Dikha Diya.

Yaha Tak Ki Meccawalo Ne "Hira" Pahad Ko Chand Ke 2 Tukdon Ke Darmiyan Dekha.

(Bukhari Sharif : Jild 01, Pg. 546 )
SUBHAN ALLAH

Hadees :

Hazrate Ibne Masood Radiyallahu Anhu Se Riwayat Hai Ki
Unhone Farmaya Ki
Rasoolullah Sallallaho Alayhi wasallam Ke Zamaan-E-Mubarak Me Chand 2 Tukde Ho Gaya. Ek Tukda Pahad Ke Upar Tha Aur Dusra Tukda Uske Neeche.

(Bukhari Sharif : Jild 02, Pg. 721 )
SUBHAN ALLAH

Hadees :

Hazrate Sahal Bin Saad Radiyallahu Anhu Se Riwayat Hai Ki
Huzoor Sallallaho Alayhi Wasallam Ne Farmaya
"Kal Main Yeh Jhanda Zarur Us Shaksh Ko Dunga Jiske Haath Par Allah Ta'ala Fatah Ataa Farmayga".

Log Tamam Raat Is Fikr Mein Rahe Ki Dekhiye Subah Kis Khush Naseeb Ko Jhanda Ataa Farmaya Jayega.
Jab Subah Hui Toh Har Ek Yeh Tamanna Liye Huzoor Sallallaho Alayhi Wasallam Ki Bargaah Mein Hazir Huwa Ki Jhanda Usey Ataa Ho. Aapne Farmaya
"Ali Bin Abu Talib Kahan Hain?"

Logo Ne Jawab Diya Ya Rasool Allah !
Unki Aankhein Dukhti Hain.
Farmaya Unhe Bula kar Lao.
Unhe Aap Ki Khidmat Mein Laaya Gaya Toh Aapne Unki Aankhon Mein Luaabe Dahan (Thook Mubarak) Lagaa Diya
Aur
Unke Liye Dua Farmayi Toh Woh Is Tarah Tandurust Ho Gaye Jaise Unhe Koi Takleef He Na Hui Thi."

(Bukhari Sharif : Jild 01, Pg. 525)
Subhan ALLAH

Hadees :

Hazrate Anas Radiyallahu Anhu Se Riwayat Hai
Unhone Farmaya Ki
Rasoolullah Sallallaho Alayhi Wasallam Ki Khidmat Mein Paani Ka Ek Bartan Pesh Kiya Gaya Aur
Aap "Zawra" Ke Maqam Par Thay.
Aap Ne Bartan Ke Andar Apna Mubarak Haath Rakh Diya Toh Aap Ki Ungliyon Ke Darmiyan Se Paani Ke Chashme Phoot Pade
Aur Sab Logon Ne Wuzoo Kar Liya.

Hazrate Qatada Radiyallahu Anhu Kehte Hain Ki Maine Hazrate Anas Radiyallahu Anhu Se Maloom Kiya Ki Aap Log Kitne Thay ??
Jawab Diya Gaya Ki 303 Ya 300 Ke Lag Bhag.

(Bukhari Sharif : Jild 01, Pg. 504)
Subhan ALLAH

Immam-E-Ahle Sunnat Mujaddid-E-Deeno Millat Sarkar Imaam Ahmed Raza Khan Rehmatullah Alayhi irshad farmate hai:

Ungliya Payi Wo Pyari Pyari
Jinse Dariya-E-Karam Hai Jaari
Josh Par Aati Hai
Jab Gam Khwaari Tishne Sairaab Hua Karte Hai

Post a Comment

Roohani Mukammal Ilaaj:
Hazrat Sayyed Jainulaabedin Bukhari (Qadri)
Contact: +918483046455
(Contact Hazrat On: 9.00am to 10.30am/9.00pm to 10.30pm)
(Hazrat is available on Whatsapp.
Please Contact in the given time. Call only if necessary.)
100% Mukammal Ilaj Kamse Kam Kharche Me.

Dhongi Babao Nakali Aamilo Se Bache. Ye Log Aapki Majboori Ka Fayda Utha Kar Aapko Dono Hatho Se Loot Rahe Hai. Hazrat Jainulaabedin Bukhari Amliyat Roohani Duniya Ke Khazane Logo Tak Feesabilillah Pohochane Ka Kaam Kar Raha Hai Ki Jyada Se Jyada Logo Ki Pareshaniya Door Ho Jaye. Aapki Har Pareshani Ka Hal Insha ALLAH Hazrat Se Hasil Kare. Sirf Khalq Ki Khidmat Hi Hamara Maqsad Hai.

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

Email Us: HumareNabi@gmail.com

Whatsapp Button works on Mobile Device only

Start typing and press Enter to search