Friday, April 11, 2014

Shohar Ke Huqooq Biwi Par Hadees Ki Roshni Me Aur Shohar Ka Haq

Shohar Ke Huqooq Biwi Par Hadees Ki Roshni Me Aur Shohar Ka Haq

Assalamu Aliakum Wa Rahmatullahi Wa Barkatuhu
Pyari Islami Beheno,

ALLAH TA'ALA ne Shohar Ko Aurat Par Haaqim Banaya Hai
Aur Bahut Badi Bujurgi Di Hai
Isliye Har Aurat Par Farz Hai Ki Wah Apne Shohar Ka Huqm Mane.
Apne Shohar Ko Raazi Rakhna Biwi Ka Farz Hai Aur Jo Aisa Na Kare Wo Aurat Sakht Gunahgar Hai.
Is Post Me Islam Me Shohar Ke Haq Ke Bare Me Hadees-E-Paak Pesh Kiye Hai.
Ye Hadees Sharif Jyada Se Jyada Logo Tak Pohochaye.
Sawab Haasil Kare.
JazakALLAHU Khair.
Apna Feedback Comments Ke Jariye Jarur Likhe.

Sarkare Madina Sallallaho Alaihi Wasallam Ne Irshad Farmaya
"Agar Khuda Ke Siwa Kisi Dusre Ke Liye Sajda Karne Ka Huqm Deta To,
Me Aurato Ko Huqm Deta Ki Wah Apne Shoharo Ko Sajda Karti Rahe".
(Mishkat Sharif Part 2 Safa 281 Mujtabaai)

Madine Ke Tajdaar Janabe Muhammad Mustafa Sallallaho Alaihi Wasallam Ne Irshad Farmaya
"Jab Shohar Apni Biwi Ko Apne Bistar Par Bulaye,
Aur Aurat Aane Se Inkar Karde,
Aur Uska Shohar Is Baat Se Naraz Ho Kar Sota Rahe, To Raat Bhar ALLAH Ke Farishte Us Aurat Par Laanat Karte Hai".
(Mishkat Sharif Part 2 Safa 280)

Sarware Qaynaat Madani Aaqa Sallallaho Alaihi Wasallam Ne Irshad Farmaya
"Agar Shohar Apni Aurat (Biwi) Ko Yah Huqm De Ki Pile Rang Ka Pahad Kale Rang Ka Bana De Aur Kale Rang Ke Pahad Ko Safed Bana De To Bhi Aurat Ko Apne Shohar Ka Huqm Baja Lana Chahiye".

Aur Aap Sallallaho Alaihi Wasallam Ne Farmaya Ki
"Jis Aurat Ki Maut Aisi Haalat Me Aaye Ki Marte Waqt Uska Shohar Usse Khush Ho
To Wo Aurat Jannat Me Jayegi".
Aur Farmaya,
"Jab Koi Mard Apni Aurat Ko Kisi Kaam Ke Liye Bulaye
To Wo Aurat Agarche Chulhe Ke Pas Baithi Ho Usko Laazim Hai Ki Wah Uthkar Shohar Ke Pas Chali Jaye".
Saware Qaynat, Habeebe Khuda, Shafi-E-Mehshar, Rehmatallil Aalamin Hazrat Muhammad Sallallaho Alaihi Wasallam Ne Sohbat Ke Liye Ye Dua Irshad Farmayi
"Bismillah, Allahumma jannib nash
Shaitana, wa Janni bish-Shaitana ma
razaq tana"
Tarzuma:
"ALLAH ke naam
se.
Aye ALLAH door kar hamse shaitan
mardud ko aur door kar shaitan mardud ko us Aulad se jo tu hame ata
karega"
"Jo shaks Is Dua Ko Sohbat Ke Waqt
Padhega
(Dua Wahi Jo Upar Likhi Hai)
To ALLAH Us Padhnewale Ko Agar Aulad Ata Farmaye
To Us Aulad Jo Shaitan Kabhi Bhi Nuksan Na Pahuncha
Sakega"
(Bukhari sharif Jild 3,Safa 85,
Tirmizi sharif,Jild 1,Safa 557)
Jab Aap Miya-Biwi Saath Mein Sone Ka Irada Karen To Usse Pahle Ye Dua Padh Lijiye. Yani Sohbat Karne Se Pehle Ye Dua Hamesha Padhe.
Insha ALLAH Is Dua Ki Barkat Se Aapki Aulad Shaitan Se Mehfooz Hogi.
Nikah Ke Talluk Sare Masle Aap Hamare "NIKAH" Page Par Padhe.
Aur Apne Masle Comments Ya Contact Form Ke Jariye Likh Bheje.

Is Hadees Sharif Ka Matlab Ye Hai Ki Aurat Chahe Kitne Bhi Jaruri Kam Me Mashgul Ho
Shohar Ke Bulane Par Sab Kamo Ko Chod Kar Shohar Ki Khidmat Me Haazir Ho Jaye".
(Mishkat Sharif Part 2 Safa 383 Mujtabaai)
Biwi Ko Shohar Ka Huqm Har Hal Me Manna Hai.
Aur Jis Aurat Ka Shohar Usse Razi Ho Aur Uska Intkal Ho Jaye To Uske Liye Jannat Hai.
SubhanALLAH !

Play Store Se Hamare Nabi & Sunnat-E-Nabi Apps Jaroor Download Kijiye. Aapke Rating & Review Se Insha ALLAH Apps Doosro Tak Pohochege.

Khatmun Nabiyyin Huzoor-E-Akram Sallallahu Alaihi Wasallam Ne Irshad Farmaya
"Behtarin Aurat (Biwi) Wah Hai Ki Jab Uska Shohar Kisi Baat Ka Huqm De To Wo Uski Farmabardari Kare Aur Agar Shohar Uski Taraf Dekhe
To Wah Apne Banav Singar Aur Apni Adaao Se Apne Shohar Ka Dil Khush Karde
Aur Agar Shohar Kisi Baat Ki Kasam Kha Jaye To Wah Uski Kasam Ko Pura Karde
Aur Agar Shohar Gayab Rahe (Matlab Ghar Se Bahar Ho)
To Wah Apni Zaat Shohar Ke Maal Me Hifazat Aur Khair Kwahi Ka Kirdar Karti Rahe".
(Mishkat Sharif Part 2 Safa 268 Mujtabaai)

Apne Shohar Ko Khush Rakhna Hi Biwi Ka Farz Hai.
Uska Singar Sirf Uske Shohar Ke Liye Hai.
Shohar Ki Namaujudgi Me Uske Ghar Aur Maal Wa Dolat Ki Hifazt Karna Biwi Par Laazim Hai

Ek Shaks Ne Aap Sallallaho Alaihi Wasallam Se Daryaft Kiya Ki
"Behtarin Aurat (Biwi ) Ki Pehchan Kya Hai?"
Madni Aaqa Sallallaho Alaihi Wasallam Ne irshad Farmaya
"Jo Aurat Apne Shohar Ki Ita'at Wa Farma Bardari Kare".
(Nasaai Sharif Jild 2 Safa 364)

Hazrat Abu Sai'd RadiAllahu Anhu Se Riwayat Hai
Shafi-E-Mehshar, Rehmat-E-Aalam Janabe Muhammad Mustafa Sallallaho Alaihi Wa Aalihi Wasallam Ka Farmane Aalishan Hai
"Shohar Ki Na Shukri Karna Ek Tarah Ka Kufr Hai
Aur Ek Kufr Dusre Se Kam Hota Hai".
(Bukhari Sharif Jild 1, Bab No 21, Safa 109, Hadees No 28)

Aurat Hargiz Apne Shohar Ki Nafarmani Na Kare
Warna Jahannam Ki Tayyari Karle..

Ummulmomenin Hazrate Aayesha Siddiqa RadiALLAHU Ta'ala Anha Wa Hazrat Abu Huraira RadiALLAHU Ta'ala Anhu Se Riwayat Hai Ki
Rasool-E-Khuda Sallallaho Alaihi Wasllam Ne Irshad Farmaya
"Agar Me Kisi Ko Kisi Ke Liye Sajde Ka Huqm Deta
To Aurato Ko Huqm Deta Ki Apne Shohar Ko Sajda Kare".
(Tirmizi Sharif Jild 1, Bab No 788, Safa 594, Hadees No 1198)

Hazrat Abu Huraira Radiallahu Ta'ala Anhu Se Riwayat Hai Ki
Nabi-E-Kareem Sallallaho Alaihi Wasallam Ne irshad Farmaya
"Shohar Apni Biwi Ko Jis Waqt Bister Par Bulaye
Aur Wah Aane Se Mana Karde
To Us Aurat Par Khuda Ke Farishte Subah Tak Laanat Karte Rehte Hai".
(Bukhari Sharif Jild 3, Bab No 115, Safa 96, Hadees No 178)

Hazrat Aayesha Siddiqa Radiallaho Ta'ala Anha Se Marvi Hai Ki
Aap Sallallaho Alaihi Wasallam Ki Khidmat Me Ek Jawan Aurat Haazir Hui Aur Arz Kiya
"Ya Rasoolallah!
Me Jawan Aurat Hu Muze Nikah Ke Paigam Aate Hai
Magar Me Shaadi Ko Bura Samajhti Hu.
Aap Muze Bataiye Biwi Par Shohar Ka Kya Haq Hai"?
Pyare Aaqa Sallallaho Alaihi Wasallam Ne Irshad Farmaya
"Agar Shaohar Ki Choti Se Pair Ki Ediyo Tak Peep Ho
Aur Wah Use Zaban Se Chate To Bhi Shaohar Ka Haq Ada Nahi Kar Payegi".
Us Aurat Ne Pucha
"To Main Shaadi Na Karu"?
Ispar Aap Sallallaho Alaihi Wasallam Ne Irshad Farmaya
"Tum Shaadi Karo Kyunki Isme Bhalaai Hai".
(Mukasheftul Kuloob Bab No 95, Safa 617)
ALLAHU AKBAR..!
Hazrate Maimuna Radiallaho Ta'ala Anhu Se Riwayat Hai Ke
Rasoolallah Sallallaho Alahi Wasallam Ne Irshad Farmaya
"Meri Ummat Me Subse Behtar Wo Aurat Hai
Jo Apne Shohar Ke Sath Acha Sulooq Karti Hai
Aisi Aurat Ko 1000 Shahido Ka Sawab Milta Hai Jo Khuda Ki Rah Main Sabr Ke Liye Shahid Hue.
Un Aurato Me Se Har Aurat Jannat Ki Hooro Par Aisi Fazilat Rakhti Hai
Jaise Muhammad Sallallaho Alaihi Wasallam Ko Tum Me Se Adna Mard Par".
(Gunyatuttalebin Safa 113)

SubhanALLAH...!
Hazrate Abdullah Ibne Abbas Radiallaho Ta'ala Anhu Se Riwayat Hai Ki
Pyare Aaqa Sallallaho Alaihi Wasallam Ne Irshad Farmaya
"Muze Dozakh (Jahannam) Dikhai Gayi
Maine Waha Aurato Ko Jyada Paya
Wajah Ye Hai Ki Ye Kufr Karti Hai".
Sahab-E-Kiram Ne Arz Kiya
"Kya Wo ALLAH Ke Sath Kufr Karti Hai"?
Aap Sallallaho Alaihi Wasallam Ne Irsad Farmaya
"Nahi! Wo Shohar Ki Nashukri Karti Hai
(Jo Ke Ek Tarah Ka Kufr Hai)
Aur Uska Ehsaan Nahi Manti.
Agar Tu Kisi Aurat Se Umar Bhar Ehsaan Aur Neki Ka Sulooq Kare
Lekin Ek Baat Bhi Khilafe Tabiyat Ho Jaye
To Jhat Keh Dengi Ki
Maine Tuzse Kabhi Aaram Aur Sukun Nahi Paya".
(Bukhari Sharif Jild 1, Bab No 21, Safa 109, Hadees No 28)

Sarkare Do Aalam Sallallaho Alaihi Wasallam Ka Farmane Aalishan Hai Ki
"Jab Shohar Apni Haazat (Sohbat) Ke Liye Biwi Ko Bulaye
To Biwi Agar Roti Paka Rahi Ho
To Usko Laazim Hai Ke Sab Kaam Chod Kar Apne Shohar Ke Pas Haazir Ho Jaye".
(Tirmizi Sharif Jild 1, Bab No 788, Safa 595, Hadees No 1159)

Hazrat Umar Radiallaho Anhu Se Riwayat Hai Ki Madani Aaqa Sallallaho Alaihi Wasallam Ne Irshad Farmaya
"Tumko Nahi Maalum,
Aurat Ke Liye Shirk Ke Baad Sabse Bada Gunah Shohar Ki Nafarmani Hai".
(Gunyatuttalebin Safa 114)

Ya Rabbul Aalamin Tu Apne Karam Se Aurato Ko Nek Taufiq Ata Farma.
Aur Unhe Apne Shaohar Ki Ita'at Karne Ki Taufiq Ata Farma
Aameen
Awwal Aakhir Durood
Dua Me Is Nachiz Ko Yaad Rakhiye.



  1. subhanallah aapne bahot achchhi baate batayi allah aapko zaza e khair ata farma e.
    mera ek sawal hai.?
    agar koi mard tejarat ke silsile me bahar gaya hua hai or uske maa baap uski biwi par galat ilzamat laga kar us mard ko apni biwi ke khilaf kare.
    to aise me us shohar ko kya karna chahiye.?
    or shohar ko apni biwi ke saath kaisa bartao karna chahiye.?

    ReplyDelete
    Replies
    1. Aameen.
      Aap Par Is Soorat Me Dono Farz Ko Ada Karna Hai. Aapke Waldain Jinhone Aapko Pal Poskar Bada Aur Qabil Banaya Unka Bhi Farz Ada Karna Hai. Aur Aapki Biwi Jo Apna Sab Kuch Chod Kar Aapke Khaatir Aayi Hai. Jab aap unko galati karte dekhe to jaroor roke aur samjhaye. Aapko dono ko (Waldain Aur Biwi) Ta-Umar Nibhana Hai. Kisika dil na tode.
      ALLAH Ham Sabko Nek Taufiq De.
      Aameen
      Awwal Aakhir Durood

      Delete
  2. agar walden galti par han to unhe smjhaye, or agar biwi galt hai to unko smjhaye, deen ki roshni me insha Allah Tala masla hal ho jayega

    ReplyDelete
    Replies
    1. Ji bilkul sahi farmaya aapne.
      JazakALLAHU Khair.

      Delete
    2. ASSALAMU ALAIKUM W REHMATULLAHE W BARKATAHU SUNNI GIRLS WING JOIN KIJIYE TAKIZYDA SE ZYDA AAP SAB KO MALUMAR HO 9730727714

      Delete
    3. Walekum Assalam Wa Rehmatullahi Wa Barkatuhu,

      Aap Hamare articles directly WhatsApp par share kar sakte hai. Jyada se jyada groups me share kare. Aur sawabe darrain hasil kare. Dua me yaad rakhe.
      JazakALLAHU Khair Aapke Comment Ke Liye.

      Delete
  3. Assalamu alaikum mere Bhai. Mera ek Chota sa sawal hai . Mere saas our susr ki wajhe se mera our Meri biwi me bohat sare jhagde ho Rahen hai. Kehna to nahi chahiye magar Meri biwi unhe ka saat diti hai. Mere saas our susr mujhe Kiya hai Kuch bhi kahe par wo unhe ka saat Dete hai . Aap hi batayen mere dost agar me main kiya karon. Our safari ghalti unhi ki nahi hai mere bhi Kuch ghaltiyan hai kyun ke mujhe ghussa bohat jaldi aata hai. Allah Hafiz assalamu alaikum

    ReplyDelete
    Replies
    1. Walekum Assalam Wa Rehmatullahi Wa Barkatuhu Sajid Bhai.

      Ye Site Salah Mashware Ke Liye Nahi Hai. Yaha Deeni Masle Masail Hi Pooche. Ye Aapka Aapsi Mamla Hai. Me Isme Kuch Kehna Munasib Nahi Samajhta. Aapko Apne Saas Sasur Ka Adab Karna Chahiye. Aap Sabko Apni Galatiya Sudharni Chahiye. Gussa Karne Se Kisi Baat Ka Hal Nahi Milta.

      Keep Visiting & Sharing.

      Delete
  4. Subhan allah ♡ bahut khoob likha hein.. allah paak aap ki ilm mein barkaat ata farma Ameen 🌹

    ReplyDelete
    Replies
    1. Summa Aameen.
      Awwal Aakhir Durood.
      JazakALLAHU Khair for beautiful dua.
      May ALLAH RABBUL AALAMEEN Bless You.
      Keep Visiting & Sharing...

      Delete
  5. Aslkm mera sawal hai agar shouhar kaam ke silsile mey biwi se dur rehna aur us dur rehne ka galat faida uthana kisi aur se rishta rakhna tou uska kya Karna hai....plzzzzz reply

    ReplyDelete
    Replies
    1. Walekum Assalam Wa Rehmatullahi Wa Barkatuhu Behen,

      Der se reply ke liye mazahrat chahta hu.
      ALLAH Rabbul Aalameen Qur'an-E-Kareem Me Irshad Farmata Hai,
      Tum Zina Ke Qareeb Bhi Na Jao Q ke Ye Badi Behayai "Wala Kaam" He, Aur Bohat Hi Bura Rasta He.
      (Surah Bani Israil Aayat 32)

      ALLAH Rabbul Aalameen Qur'an-E-Kareem Me Irshad Farmata Hai,

      Tum Zina Ke Qareeb Bhi Na Jao Q ke Ye Badi Behayai "Wala Kaam" He, Aur Bohat Hi Bura Rasta He.
      (Surah Bani Israil Aayat 32, Tarzuma Kanzul Imaan)

      ALLAH Ta’ala Faramata Hai,
      Jo Shaks Zina Karta Hai Use ”Asaam” Me Dala Jayega
      (Qurane Kareem Para 19, Sure Furkan Aayat 68)

      Asaam Ke Bare Me Ulma-E-Deen Ne Kaha Hai Ki Wo Jahannam Ka 1 Gar He. Jab Uska Muh Khola Kayega To Uski Badbu Se Tamam Jahannami Chikh Uthenge
      (Mukasheftul Kuloob Safa: 167)

      Shafi-E-Mehshar Rehmate Aalam Imaamul Ambiya Khatamun Nabiyyin Habeebe Khuda Sallallahu Alaihi Wasallam Ne Irshad Farmaya,

      Zina Karnewale Shadishuda Ho To Khule Maidan Me Pattharo Se Mar Dala Jaye Aur Gair Shadishuda (Kuwara) Ho To 100 Kode Mare Jaye.
      (Bukhari Sharif Jild Safa: 615/615, Hadees: 1715)

      Agar koi shakhs aisa katta hai to wo sakht gunahgar hai. Jo gunah banda ye soch kar kare ki mujhe kon dekh raha hai us gunah ka gawah ALLAH Rabbul Aalameen Khud hota hai. Behsq ALLAH Rabbul Aalameen ko hamare tamam kamo ki khabar hai. Shadishuda Hote hue Jo shaks kisi gair mard ya aurat se tallukat rakhe to wo Zinakar hai. Aise Shakhs ke liye Ye Kuch Hadees-E-Pak Hai. Gaur Farmaiye,

      Hazrat Ikrema Ne Hazrat Abdullah ibne Abbas Radiallahu Anu Se Pucha Emaan Kis Tarah Nikal Jata He?

      Hazrat Abdullah ibne Abbas Ne Farmaya:
      Is Tarah ! Aur Apne Hath Ki Ungliya Dusre Hath Ki Ungliyo Me Dali Phir Nikal Li Aur Farmaya
      “Dekho Is Tarah”
      (Bukhari Sharif Jild:3, Safa: 614, Hadees: 1713)

      Zina Ek Aisa Gunah Hai Jo Insan Ke Imaan Wa Aakhirat Dono Ko Barbad Kar Deta Hai.

      Shafi-E-Mehshar Rehmate Aalam Imaamul Ambiya Khatamun Nabiyyin Habeebe Khuda Sallallahu Alaihi Wasallam Ne Irshad Farmaya,
      Zina Karnewale Shadishuda Ho To Khule Maidan Me Pattharo Se Mar Dala Jaye Aur Gair Shadishuda (Kuwara) Ho To 100 Kode Mare Jaye
      (Bukhari Sharif Jild Safa: 615/615, Hadees: 1715)

      Apne Shohar Se Baat Kare. Unhe Is Gunah Se Tauba Karaye. Ye Aisa Gunah Hai Ke Jo Unke Imaan Lo Barbaad Kar Dega. Aur Aakhirat Me Sirf Zillat-Ruswai Aur Azabe Jahannam Hai.

      ALLAH Rabbul Aalameen Ham Sabko Nek Taufiq De Ki Ham Aise Gunaho Se Bache.
      Aameen
      Awwal Aakhir Durood.

      Dua Ki Guzarish.

      Delete

Roohani Mukammal Ilaaj:
Hazrat Sayyed Jainulaabedin Bukhari (Qadri)
Contact: +918483046455
(Contact Hazrat On: 9.00am to 10.30am/9.00pm to 10.30pm)
(Hazrat is available on Whatsapp.
Please Contact in the given time. Call only if necessary.)
100% Mukammal Ilaj Kamse Kam Kharche Me.

Dhongi Babao Nakali Aamilo Se Bache. Ye Log Aapki Majboori Ka Fayda Utha Kar Aapko Dono Hatho Se Loot Rahe Hai. Hazrat Jainulaabedin Bukhari Amliyat Roohani Duniya Ke Khazane Logo Tak Feesabilillah Pohochane Ka Kaam Kar Raha Hai Ki Jyada Se Jyada Logo Ki Pareshaniya Door Ho Jaye. Aapki Har Pareshani Ka Hal Insha ALLAH Hazrat Se Hasil Kare. Sirf Khalq Ki Khidmat Hi Hamara Maqsad Hai.

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

Email Us: HumareNabi@gmail.com

Whatsapp Button works on Mobile Device only

Start typing and press Enter to search