Nikah

Apni Biwi Ki Izzat Karo

Mere Pyare Islami Bhai Behano Nikah Karna Sarkare Madina Sallallaho Alaihi Wasallam Ki Sunnate Mubaraka Hai. Nikah Ke Fazilat Ke Talluqse Bohotsi Ahadees Sharif Mauzood Hai. Nikah Haramkari Se Bacha Kar Halal Ki Taraf Le Jata Hai. Nikah Karne Par Aadha Deen Muqammal Ho Jata Hai. Beshaq Islam Duniya Ka Sabse Afzal Mazhab Hai. Islam Me Mard Aur Aurat Dono Par Ek Dusre Ke Huqooq Hai Jinhe Ada Karna Unpe Wazib Hai. In Huqooq Me Kotahi Gunah Ka Sabab Hai. Lihaza Jin Logo Ko Ye Galatfehmi Ho Ke Huqooq Sirf Aurato Par Hi Hai Wo Apni Islah Kare. Aur Apne Biwiyo Ke Huqooq Ada Kare Warna Roz-E-Mehshar Is Gunah Ke Sabab Giraft Honge.


Yaha Aur Hamare Nikah Ke Page Aur Digar Posts Me Nikah Ke Masail Ba Hawala Bayan Kiye Gaye Hai. Inka Maqsad Awaam Ko Islami Tariqe Sikhana Aur Unki Islah Karna Itna Hi Hai. Agar Aapko Koi Bhi Sawalat Hai To Comment Kare Ya Hume Chat Plugin Ke Zariye Email Kare. Is Website Ka Adabo Ahtaram Kare Yaha Par Koi Bhi Gande Comments Na Kare. Masle Masail Bhi Adab Ke Dayre Me Reh Kar Hi Poochha Kare. Hume Rozana Bohot Sare Emails Aate Hai Isliye Jawab Me Agar Deri Ho Jaye To Mazhrat Chahta Hu. In sha ALLAH Aapke Masail Par Jawabat Diye Jayenge. Hamare Web Ko Khoob Share Kijiye Taki Logo Ki Islah Ho Aur Wo Sahi Deeni Tariqe Par Amal Kare Aur In sha ALLAH Iska Sawab Aapko Aur Hume Hasil Ho. Apni Duao Me Muz Nachiz Ko Bhi Yad Rakhe.


Rab ta’ala irshad farmata hai
Aur unse (Aurato) se Achcha bartav karo.
(Kanzul iman Para 4,Surah Nisa,Aayat 19)


Sarkare Madina Sallalaho Alayhi Wasallam ne irshad farmaya
Nikah ki shart yani Meher ada karne ka sabse jyada khayal rakho.
(Bukhari sharif Jild 3,Safa 80)


Sarkare Madina Sallalaho Alayhi Wasallam ne irshad farmaya
Subse bura aadmi wo he jo apni biwi ko sataye.
(Tibrani sharif)


Ek Aurat Se Khane Me Namak Tez Ho Gaya,
Shohar Khane Ke Liye Baitha To Itna Tez Namak Dekhker Use Gussa Aa Gaya
Gareeb Admi Tha 6 Maah Baad Murge Ka Gosht Laya Tha,
6 Maah Se Daal-Sabji Khaker Uski Jabaan Gosht Khane Ke Liye Bechain Thi ..
Magar Bibi Ne Namak Tez Karke Sara Salan Kharab Kar Diya Tha. Usne Biwi Ko Kuch Nahi Kaha Chup-Chaap Khaa liya.
Aur Kaha :
“Aye ALLAH ! Agar Meri Beti Se Namak Tez Ho Jata To Main Ye Pasand karta Ki Mera Damad Use Maaf Kar De.
Mere Jigar Ke Tukde Ko Kuch Na Kahe Meri Biwi Bhi To Kisi Ke Jigar Ka Tukda Hain.
Kisi Maa-Baap Ki Beti Hain Aur Sab Se Badker Teri Bandi Hain
Aye ALLAH !
Main Use Teri Raza Ke liye Maaf Karta Hun..”


Kuch Arse Baad Jab Uska Inteqal Ho Gaya
To Ek ALLAHwale Ne Use Khawab Me Dekha Aur Puchha
Bhai Tere Sath Kya Muamla hua,
Usne Jawab Diya Ki mujhe ALLAH
Ke Samne Pesh Kiya Gaya Aur ALLAH PAAk Ne Mujhe Mere Gunah Ginwaye
Ki Tune Fala Gunah Kiya Fala Gunah Kiya.
Maine Samajh Liya Ki Main Ab Un Gunaho Ki Vajah Se Jahannam Me Jaounga
Lekin ALLAH Ne Farmaya Ki
“Jao Maine Tumhe Us Vajah Se Maaf Kiya Ki Tumne Apni Biwi Ko Us Din Meri Bandi Samjhker Maaf Kiya Tha. Jis Din Usse Namak Tez Hua Tha Tune Use Gaali Nahi Di Thi
Use Mara Nahi Tha
Tumne Uski Khata Meri Raza Ke Liye Maaf Ki Thi To Aaj Main Tumko Maaf Karta Hun.”

ALLAH Ham Sabko Apni Biwoyo Ki Qadr Karne Ki Aur Unki Izzat Karni Ki Taufeeq De
Aameen.

Related Articles

Leave a Reply

Your email address will not be published. Required fields are marked *

Check Also
Close
Back to top button
Close

Adblock Detected

Please consider supporting us by disabling your ad blocker!