Humbistari Sohbat Karne Ka Islamic Tariqa

Mere Pyare Islami Bhai Behano Nikah Karna Sarkare Madina Sallallaho Alaihi Wasallam Ki Sunnate Mubaraka Hai. Nikah Ke Fazilat Ke Talluqse Bohotsi Ahadees Sharif Mauzood Hai. Nikah Haramkari Se Bacha Kar Halal Ki Taraf Le Jata Hai. Nikah Karne Par Aadha Deen Muqammal Ho Jata Hai. Beshaq Islam Duniya Ka Sabse Afzal Mazhab Hai. Islam Me Mard Aur Aurat Dono Par Ek Dusre Ke Huqooq Hai Jinhe Ada Karna Unpar Wazib Hai. In Huqooq Me Kotahi Gunah Ka Sabab Hai. Lihaza Jin Logo Ko Ye Galatfehmi Ho Ke Huqooq Sirf Aurato Par Hi Hai Wo Apni Islah Kare. Aur Apne Biwiyo Ke Huqooq Ada Kare Warna Roz-E-Mehshar Is Gunah Ke Sabab Giraft Honge.

Yaha Aur Hamare Nikah Ke Page Aur Digar Posts Me Nikah Ke Masail Ba Hawala Bayan Kiye Gaye Hai. Inka Maqsad Awaam Ko Islami Tariqe Sikhana Aur Unki Islah Karna Itna Hi Hai. Agar Aapko Koi Bhi Sawalat Hai To Comment Kare Ya Hume Chat Plugin Ke Zariye Email Kare. Is Website Ka Adabo Ahtaram Kare Yaha Par Koi Bhi Gande Comments Na Kare. Masle Masail Bhi Adab Ke Dayre Me Reh Kar Hi Poochha Kare. Hume Rozana Bohot Sare Emails Aate Hai Isliye Jawab Me Agar Deri Ho Jaye To Mazhrat Chahta Hu. In sha ALLAH Aapke Masail Par Jawabat Diye Jayenge. Hamare Web Ko Khoob Share Kijiye Taki Logo Ki Islah Ho Aur Wo Sahi Deeni Tariqe Par Amal Kare Aur In sha ALLAH Iska Sawab Aapko Aur Hume Hasil Ho. Apni Duao Me Muz Nachiz Ko Bhi Yad Rakhe.

Hadees No: 1
Huzoor Sallalaho Alayhi Wasallam Ne irshad Farmaya
"Tum Me Se Jo Koi Apni Biwi Ke Pas Jaye To Parda Kar Le Aur Gadhe Ki Tarah Na Shuru Ho Jaye"
(Ibne Maja,Jild 1,Safa 538, Hadees no 1990,Bab no 616)

Hadees No: 2
Ummulmomenin Hazrat Aayesha Siddiqa Radiallaho Anha Se Riwayat Hai Ki Huzoor Sallalahu Alayhi Wasallam Ne irshad Farmaya
"Jo Mard Apni Biwi Ka Hath Usko Behlane Ke Liye Pakadta Hai,
ALLAH Ta'ala Uske Liye 1 Neki Likh Deta Hai,
Jab Mard Pyar Se Aurat Ke Gale Me Hath Dalta Hai Uske Haq Me 10 Nekiya Likhi Jati Hai.
Aur Jab Aurat Se Sohbat Karta he to Duniya aur jo kuch usme he un subse behtar ho jata Hai"
(Gunyatuttalebin Safa 113)

Sohbat Se Pehle Khud Bechain Na Ho Jaye Apne Aap Par Pura Itminan Rakhe Jaldbaji Na Kare Pehle Biwi Se Pyar Muhabbat Ki Batchit Kare Fir Bos Wa Kinar (Kiss) Wagaira Se Usko Razi Kare Aur isi Duran Dil Hi Dil Me Ye Dua Padhe:

Bismillahil Aliyul Azime Allaho Akbar Allaho Akbar

Tarjuma: 
"ALLAH Ke Nam Se Jo Bujurg Wa Bartar Ajmatwala Hai. ALLAH Bahut Bada Hai. ALLAH Bahut Bada Hai.

Play Store Se Hamare Nabi & Sunnat-E-Nabi Apps Jaroor Download Kijiye. Aapke Rating & Review Se Insha ALLAH Apps Doosro Tak Pohochege.

Iske Bad Jab Mard-Aurat, Sohbat Ka Irada Kar Le To Kapade Jism Se Alag Karne Se Pehle Ek Martaba "Surah ikhlas" Padhe.

قُلْ هُوَ اللَّهُ أَحَدٌ ( 1 
اللَّهُ الصَّمَدُ ( 2 
لَمْ يَلِدْ وَلَمْ يُولَدْ ( 3 
وَلَمْ يَكُن لَّهُ كُفُوًا أَحَدٌ ( 4 

"Kul Huwallaho Ahad. Allahussamad. Lam-ya-lid. Walam yoolad walam ya kullahu Kufuwan Ahad."

Surah ikhlas Padhne Ke Bad Ye Dua Padhe

Hadees No: 3

Bismillahi Allahumma Jannib Nash Shaitana Wa Janne Bish Shaitana Ma Rajak Tana

Tarjuma: 
"ALLAH Ke Nam Se. Aye ALLAH Door Kar Humse Shaitan Mardud Ko Aur Door Kar Shaitan Mardud Ko Us Aulad Se Jo Tu Hume Ata Karega"
(Bukhari Sharif, Jild 3, Safa 473)

Hadees No: 4

Hazrat ibne Abbas Radiallaho Anhu Se Riwayat Hai
Ke Huzoor Sallalaho Alayhi Wasallam Ne irshad Farmaya
"Jo Shaks is Dua Ko Sohbat Ke Waqt Padhega (Dua Wahi Jo Upar Likhi Hai) To ALLAH Us Padhnewale Ko Agar Aulad Ata Farmaye To Us Aulad Ko Shaitan Kabhi Bhi Nuksan Na Pahuncha Sakega"
(Bukhari Sharif Jild 3, Safa 85, Tirmizi Sharif, Jild 1, Safa 557)

Huzoor Gause Aazam Shaikh Abdul Qadir Jilani wa Hazrat Muhkkike islam Shaikh Abdul Haq Mohoddas Dahalwi Aur Aalahazrat imam Ahmad Raza Khan irshad Farmate Hai
"Agar Koi Shaks Sohbat Ke Waqt Dua Na Padhe To Us Shaks Ki Sharmgah Se Shaitan Lipat Jata Hai Aur Us Mard Ke Sath Shaitan Bhi Us Aurat Se Sohbat Karne Lagta Hai. Aur Jo Aulad Paida Hoti Hai Woh Nafarman, Buri Aadatwali, Begairat, Bad-deen Hoti Hai. Shaitan Ki Is Dakhl Andaji Ki Wajahse Aulad Me Tabahkari Aa Jati Hai"
(Gunyatuttalebin Safa 116, Fatwa-E-Razviya, Jild 9,Safa 48)

Inzal (Mani Nikalte Waqt) Ki Dua:

Jis Waqt inzal Ho Yani Mard Ki Mani Uske Uzoo-E-Tanasul Se Nikal Kar Aurat Ki Sharmgah Me Dakhil Hone Lage Us Waqt Dil Hi Dilme Ye Dua Padhe:

Allahumma-La-Taja'al Lish Shaitane Fi-M-Razkatni Nasi-ba

Tarjuma:
"Aye ALLAH Shaitan Ke Liye Hissa Na Bana Usme Jo (Aulad) Tu Hume Ata Kare"
(Hisne Hasin Safa 165, Fatwa-E-Razviya Jild 9,Safa 161)

Ek Badi Galatfehmi:
Kuch logo ka khayal he ki jub Aurat se pehli bar sohbat ki jaye to uski sharmgah se khoon kharij hona jaruri hai.
Ye khoon ka aana uske ba ajmat pak daman hone ka suboot samza jata he
Agar khoon nahi aaya to aurat badchalan aawara samzi jati he aur aurat ki sharafat aur ba ajmat hone me shak kiya jata he. Aaiye is masle ke bare me hum jante hai.

Kuwari ladkiyo ki sharmgah me thoda andar ek patali zilli hoti he.
Jise Parda-E-Ajmat Ya Parda-E-Bakarat (Hymen) kehte hai. 
Is zilli me chota sa surakh hota he jiske jariye ladaki ke balig hone par Haiz (Mahwari) ka khoon apne waqt par khariz hota rehta he.
Shadi ke bad jab mard pehli bar sohbat karta he to mard ke Uzoo-E-Tanasul ke uske takarane ki wajahse wo zilli fat jati he.
Is mauke par aurat ko thodi taklif hoti he aur thodasa khoon kharij hota he.
Fir yah zilli humesha ke liye khatam ho jati he.
lekin ye zilli patali aur najuk hoti he to kai martaba kisi ladaki ko ye kisi mamuli chot ya kisi hadse ki wajahse ya kabhi khud ba khud fat jati he. Lihaza agar aurat se sohbat ke dauran khoon na nikale to use aawara samazna munasib na hoga jub tak ki mukammal sharai suboot na ho

"Jiska Parda-E-Ajmat kudne,haiz aane ya jakhm ya umar jyada hone ki wajahse fat jaye wo aurat hakikat me Bakirah (Kuwari, Pak daman) hai.
(Tanwirul Absar, Fatwa-E-Razviya Jild: 12, Safa: 36)





0/Post a Comment/Comments

Roohani Mukammal Ilaaj:
Hazrat Sayyed Jainulaabedin Bukhari (Qadri)
Contact: +918483046455
(Contact Hazrat On: 9.00am to 10.30am/9.00pm to 10.30pm)
(Hazrat Is Available On Whatsapp.
Please Contact in the given time on Call.)
100% Mukammal Ilaj Kamse Kam Kharche Me.

Dhongi Babao Nakali Aamilo Se Bache. Ye Log Aapki Majboori Ka Fayda Utha Kar Aapko Dono Hatho Se Loot Rahe Hai. Hazrat Jainulaabedin Bukhari Amliyat Roohani Duniya Ke Khazane Logo Tak Pohochane Ka Kaam Kar Rahe Hai Ki Jyada Se Jyada Logo Ki Pareshaniya Door Ho Jaye. Aapki Har Pareshani Ka Hal In sha ALLAH Hazrat Se Hasil Kare. Sirf Khalq Ki Khidmat Hi Hamara Maqsad Hai.

Your feedback is very important to us. We always welcome your suggestions. Please do not post any ads or promotional links in comments. Such comments will be removed.
Thank you.
Like us on: www.facebook.com/HumareNabi

Previous Post Next Post